المساعد الشخصي الرقمي

مشاهدة النسخة كاملة : لطميات حسينيه مكتوبه وايضا مسموعه 1



ouday
06-16-2010, 06:29 AM
السلام على الحسين وعلى علي بن الحسين وعلى أولاد الحسين وعلى أصحاب الحسين.


للطميات أهمية في نشر الثورة الحسينية .. ولا يخلو بيت في هذه الأيام من لطميات حسينية ..

ومن واجبنا نحن كمحبين لتلك اللطميات أن نسهل في نشرها وحفظها ..

لذلك نهيب بالجميع أن نكون موسوعة متكاملة للطميات المكتوبة...

سابدأ بأول لطمية .. لها وقع في قلبي ..

http://www.selfador.in/uploads/f2b88d565f.jpg (http://www.selfador.in/)


1-ياليل طول ساعاتك



قصيدة أخدت طابع الحزن .. كلمتها مؤثرة جدا ً .. رائعة بكل مافيها ..

الرادود القدير الحاج الملا أبو بشير النجفي

يا ليل طول ساعاتك يا ليل احمل آهاتك

لو ودعت الوليان تتولاني العدوان

طول ياليل الوداع اشما تطوال اوياك ساهر

ما آمل من البواكي حتى لوتعمة النواضر

احسين بس هاليلة يمي ماتشوفه اعيوني باكر

وا خاف اضل مكسورة خاطر

ياليل ارحم دلالي ياليل ضاعت آمالي

آيدهري الخوان تتولاني العدوان

آنه ياليل العقيله زينب المعروف خدري

طولي ماواحد الشافة اولاستر يوصل الستري

لكن ياليل اشبدية سلمت للقدر امري

دمعاتي يبسن بالجفن من يطر مسباح الحزن

بطفال وبعيلة امتحن والله ماينحمل صبري

ياليل كافي اتروعني ياليل صبحك افجعني

لونزلوا للميدان تتولاني العدوان

والله خنقتني العبرة اشلون اوصف هالمسية

مثل سرب القطاطلعت للوداع الفاطمية

ريتك اتشاهد بناتك علي ياحامي الحمية

يندبهن احسين بهم كلهم فرد فزعه افزعن

ويا الوالي يتوادعن هاي روحه ابلاي جية

نسوان ياهو اليحميهم لوراح عنهم واليهم

يقبل داحي البيبان تتولاني العدوان

كلمن اتعنت ولياتهل دمع الحزن يمه او ليلة الآكبر ولدها

هوت فوقة تصيح يمة او رملة وياجاسم جاعدة تضفر اجعودة

اتناشدة ارحم دليل الوالدة وللصدر قامت تضمة

جاوين ياوليدي الشمعة جسام شوصارت دمعه

فقدك موبالحسبان تتولاني العدوان

آه ياحال الربابة الحنت النوق البجيها

تعاين العبد الله طير الجنة نايم فوق اديها

يفز لورادت ترضعة من يروح يدر ثديها

متهني ابنومته خاف يفز لورضعته

قامت تصد الرقبته طاخت وفقدت وعيها

جاليش يبني يذبحونك سباح قلبي ايقطعونك

جي قلت الهم عطشان تتولاني العدوان

زينب العباس اخوها اتعنت اوقامت تناشدة

خوية بي اشلون باجر قلبي ياراعي المودة

ياكفيل الضعن ضعني للوطن ياهو اليردة

عباس انتى الي قلت وياي قومي وآمنت

عباس دقعدحجيني عباس وين تخليني

آختك ياعالي الشان تتولاني العدوان

للاستماع
ياليل طول ساعاتك ( استيديو ) - الرادود الحسيني ابو بشير النجفي (http://www.ansaralhusain.net/waves_detail_listen_3_3019.html)


2-هضموني هضموني

للشاعر :سيد سعيد الصافي

للرادود :: باسم الكربلائي..


هضموني هضموني .. يا بويه هضموني
سكنه العزيزه و سلوتك .. يا بويه هضموني
يابويه شحـﭽـي لك اشصار بحالي .. من ودعتني بويه
لا محنه و اثنين و تمر ببالي .. يالدللتني بويه
حال اليتيمة الضلت بلا والي .. ياليتمتني بويه
يتموني يتموني .. من زغري يتموني
ليش انحرم من شوفتك .. يا بويه هضموني
*** *** ***
هضموني هضموني .. يا بويه هضموني
سكنه العزيزه و سلوتك .. يا بويه هضموني
لمن رجع خيل المهر صديته .. بالدماء مخضب بويه
بويه و مثل طير الـﮕطا اتلـﮕيته .. الطم و انحب بويه
خبرني طاحن يا كتر ناديته .. ﭽـبد المصوب بويه
صابوني صابوني .. بالـﭽـبد صابوني
يوم اللي صابو ﭽـبدتك .. يا بويه هضموني
*** *** ***
هضموني هضموني .. يا بويه هضموني
سكنه العزيزه و سلوتك .. يا بويه هضموني
آنا ادري ما تـﮕدر يابن حامي الجار .. تسمع عتابي بويه
ريتك ﭽـنت و تعاين بحالي شصار .. يكلف مصابي بويه
من شبت بوسط الخيم بويه النار .. حرﮔـت ثيابي بويه
ضربوني ضربوني .. يا بويه ضربوني
لو عاعتنيت بجثتك .. يا بويه هضموني
*** *** ***
هضموني هضموني .. يا بويه هضموني
سكنه العزيزه و سلوتك .. يا بويه هضموني
يا والدي و ﭽـم لوعة لك هدم الحيل .. مرت عليه بويه
خوف و مصيبة و هضم يا بويه و لين .. بالغاضريه بويه
جينا احمل سياط العدا و بين الخيل .. و اسـﮕف بيديه بويه
بنتوني بنتوني .. و الأثر بنتوني
ريتك تعاين طفلتك .. يا بويه هضموني
*** *** ***
هضموني هضموني .. يا بويه هضموني
سكنه العزيزه و سلوتك .. يا بويه هضموني
اصعب مصيبة الهيجت آلامي .. و الـﮕلب مفجوع بويه
راسك ياخيمة عزتي جدامي .. عالرمح مرفوع بويه
ﮔـبل لعيوني انتحب ﮔـلبي الدامي .. دم يبـﭽـي و دموع بويه
ذبحوني ذبحوني .. ﭽـم ذبحه ذبحوني
ناس اللي حزو رﮔـبتك .. يا بويه هضموني
*** *** ***
هضموني هضموني .. يا بويه هضموني
سكنه العزيزه و سلوتك .. يا بويه هضموني
موقف اللي شيب دليلي هو الراس .. و شلون اوصفه بويه
بنت النبي و تتصدق عليه الناس .. يا ألف وسفه بويه
نحت و صحت ﭽـا وينه عني العباس .. صاحب الكلفه بويه
شتموني شتموني .. يا عمي شتموني
ما اظن تقبل غيرتك .. يا بويه هضموني
*** *** ***
هضموني هضموني .. يا بويه هضموني
سكنه العزيزه و سلوتك .. يا بويه هضموني
مجلس يزيد الصوبك لسهامه .. خابت الضنه بويه
خذوني عند اهل الغدر خدامه .. طلبوني منه بويه
يالراسك بوسط الطشت جدامه .. ﮔـمت اصدنه بويه
بعيوني بعيوني .. من شفته بعيوني
بالعصا يضرب شفتك .. يا بويه هضموني
*** *** ***
هضموني هضموني .. يا بويه هضموني
سكنه العزيزه و سلوتك .. يا بويه هضموني

للاستماع
هضموني هضموني - ملا باسم الكربلائي - قسم الفيديو والمقاطع المصورة (http://www.ansaralhusain.net/waves_detail_listen_51_1441.html)



3-الرادود الحسيني يوسف الجميعي


تمنيتك بأحلامي
تمنيتك بإلهامي
بآمالي بآلامي
تمنيتك أمل سامي
على حصانك الابيض
تعبر أيامي

يا ويلي

تخيلتك بكل لحظة
تجيني فارس على الخيل
تجند جيش
أوهامي
تمد ايدك وتحمل
باقي أعوامي
على خيلك أطير
وانته قدامي
لا تسأل ليش أتمناك
وليش أبقى على ذكراك
وأحيى على
أمل لقياك
ليش أتمنى يا حبي
أكون وياك؟
أكون وياك
احلم بيك كل لحظة
تمدني بالأمل يمناك
لا تسأل ليش أتمناك
تمد لي كفك الهامي
تروي قلبي الضامي
لا تسأل عن بحر حب
ولا عن موجه الطامي
لا تسأل وأنت تدريني
يا ساكن في شراييني
لا تسأل ليش احلم بيك
وطيفك يمر بية
يحاكيني
احلم بيك
لأنك ساكن بعيني
لأنك كل أمل وهاج
يضوي ظلمة سنيني
لأنك فجر أيامي
لأنك سر إلهامي
لان حبك مداد الروح
وتجري بحبك أقلامي
لأنك حلمي الوردي
لأنك فارس أحلامي
احلم بيك
طول الليل
فارس والنجم لك خيل
احلم بيك
عن نجمة تجيني والشهب
وياك
مثل السيف
أنا احلم بيك
عطر يفوح
من زهرة
شجر ودي
احلم بيك
دمعة شوق
تجري كالندى
بخدي
احلم بيك
يا المهدي يا المهدي يا المهدي
يا بلسم جرحي
الدامي
لأنك فجر أيامي
ولأنك حلمي الوردي
ولأنك فارس أحلامي





4-الرادود القدير الحاج الحسيني ابو بشير النجفي

كصدن كربلاء بهذا المساء قلبي وياه
قلبي الطاهره والقلب ابو الحسنيين ااه جم اه
بعد ما جل جل الليل النهار اجلى
جن قلبن الزجيه وقلب ابو الحمله
ظلام وعلى العزيز الوالده اتسئله
شلون ابني اعرفه يا علي تكله
تقله هذي بس اجساد اشلون نعرف ابو السجاد
وين ابني خلص صبري يا حيدر وين وين
وقف يم جثه قلب الطاهره الزهره شاف اضلوعه
واتذكر الم كسره صاحت هذا ريحة زينب بنحره
شفايف بين مطبوعه على صدره هذا ابني نظر عيني
هذا يا علي حسيني ومن توديع زينب ميزت احسين
ليش بيا ذنب العدى ذبحوك ليش على الترب
عاري الجسد خلوك ومن ذبحوك ليش بيا ذنب سلبوك
ومن سلبوك ليش ابخيلهم داسوك
ومن سلبوك ليش ابخليلهم داسوك
ابنك ما بقت له ظلوع وحتى خنصره مكطوع
عليه مقلوبه يمكنها الخلق صوبين
وين قلب الصميده وعن جسد كبر يشب اجروحه
ويقله يابو الاكبر يابو الاكبر
يابويه شلون جسمك نايم بهالحال مثل طرها
متيي قلبي عليك انصاب
يابني هدمت صبري وجيت وبارحت قبري جزى حده
وبعد حدي الصبر لا وين
الجسد جاوب ومي بلوعه وحرف مدمي
يابويه ابهالظلام اشوصلك يمي
يابويه يمي المدينه اشجاب قلب امي
اخاف ينصدع من ينظر ال جسمي
اخاف تستعر ناره يابويه وينسى بمسماره
تعيش الوالده ياوالدي بجرحين
يابويه انصاري راحت كله ذبحوها
واخبرك شمعت العريس طفوها يابويه يابويه
طبر جثت علي الاكبرطبر جثت علي الاكبر تولوها
وعبدالله رقبته بسهم كطعوها
يابويه اهلى ولد عمي هاي امطرحة يمي
خذتهم مني يابويه خذتهم مني يابويه صروب البيت
يازهراء اختفت قلبي الصميده وما لقه البضعه
يدور على الاثر بالكاع ويتبعه
يون يم الشريعه حتى ما يسمعه
وصل والكاه يم جثه بطل ينعى
مره يسبح ابدمه ومره بمنحره يشمه
شمس تبجي شمس فوق النهر شمسي
تقله ياعلي انظر عمل هاي الناس
صدجثت ابو الغيره فلا تنقاس
لا جفين لا سالم جسد لا راس لا جفين لا سالم جسد لا راس
بعد ما روح اضل يمي اضل ناطور يم جثته
وانشده وين عاف اخته
ادري وفى اخته الهاشمي بجفين يابالفضل العباس
سمعوا من بعيد يقرب بجي وونين
اجى ابلا راس قاصد للشريعه احسين
شايل بيده جود الخوه والجفين
خويه يصيح خويه يصيح ياموفي من رقبته الدين
هالجود الروى اسكينه وهذني سارو ايمينه لوانشفتوه بسهم من طفى نور العين

للاستماع
قصدن كربله بهذا المسا قلبين (استيديو) - الرادود الحسيني ابو بشير النجفي (http://www.ansaralhusain.net/waves_detail_listen_3_69.html)